Ýokary matematika kafedrasy Türkmensitanyň Telekommunikasiýalar we informatika institutynyň ähli fakultetlerinde Ýokary matematika, Anyk däl logikanyň elementleri, Diskret matematika, Hasaplaýyş usullary, Sanly tehnikanyň fiziki-matematiki esaslary, Statistika nazaryýetiniň esaslary, Teletrafikanyň nazaryýeti, Ykdysadyýetde modeller we usullar, Ulgamlary modelirlemek, Optimal we adaptiw ulgamlar, Logistikada ykdysady-matematiki modeller we usullar Ähtimallyklar nazaryýeti we matematiki statistika dersler boýunça sapaklary geçirýär.
Kafedranyň mugallymlary Ýokary matematika, Nazary mehanika, Inžener grafikasy dersleri boýunça talyplary ders bäsleşiklerine taýýarlaýarlar. Talyplar Türkmenistanyň ýokary okuw mekdepleriniň talyplarynyň arasynda geçirilýän dürli derejedäki, şeýle-de halkara ders bäsleşiklerinde üstünlikli çykyş edýärler. 2020-nji ýylyň 21-nji aprelinde Nazary mehanika boýunça geçirilen 16-njy internet bäsleşinde (Belarus Respublikasy, Gomel şäheri) 1 ÖTPA hünäriniň talyby B.Aşyrow 3-nji orna mynasyp boldy.
Kafedrada “Informasion howpsuzlyk we maglumat goragy meselelerinde matematiki usullar” atly tema boýunça 2020-2024-nji ýyllarda ylym barlaglar alnyp barylýar. Ylmy temany ýerine ýetirmäge kafedranyň ähli mugallymlary, şeýle-de talyplar gatnaşýar.
2019-2020-nji okuw ýylynda kafedra boýunça Anyk däl logikanyň elementleri, Optimal we adaptiw ulgamlar, Logistikada ykdysady-matematiki modeller we usullar dersleri boýunça okuw ktaplary taýýarlanyldy we Türkmenistanyň Bilim ministrliginiň okuw-usuly geňeşiniň garamagyna hödürlenildi.
Kafedranyň mugallymlary Aşgabat şäheriniň takyk we iňlis dilini çuňlaşdyryp öwredýän ýöriteleşdirilen 69‑njy orta mekdebinde matematika dersi boýunça halypalyk okuwlaryny meýilnama laýyklykda alyp barýarlar.
Ähli hukuklary goralan.